Lektura pa mucha

Rima pa mucha a nase tempu ku mi yu tabata chikitu. Su weganan di mucha, su forma di ekspresá kariño, i loke e tabata bisa òf hasi, hopi biaha a duna mi motibu pa kapta nan den rima riba kualke pida papel ku mi tabatin na man. Tin dia e mes tabata buska e papelitonan rònt kas pa mi lesa nan p’e. Pa nan no pèrdè, m’a bin skirbi nan den un skreft, i e siguiente aña nan a sali publiká komo Rima pa mucha. Mi ta gradesidu na Ruth Zefrin pa su ilustrashon grasioso di kada rima.

Rumannan kampeon ta un kuenta kòrtiku pa mucha. M’a skirbi’é riba inisiativa di Fundashon Editorial Sembra Buki. E fundashon a lanta na 2002 pa promové produkshon di buki pa mucha, na Papiamentu i Hulandes.