Flecha ta un kolekshon di kuenta kòrtiku ku mi a skirbi pa radio na 2006 i 2007. E buki ta kontené 33 di e 160 kuentanan ku mi a skirbi i lesa na radio. Tres biaha pa siman mi tabata presentá un programa na radio Hoyer ku entrevista di mei ora. E programa, Bida i Balor, tabata habri ku un kuenta kòrtiku komo punto di salida pa e entrevista ku mi invitado. E kuentanan ta toka pensamentu- i aktitutnan ku por konsiderá komun na Kòrsou. Ku e meta pa yega mes ora na esensia di e tema, vários di e kuentanan ta hopi direkto. Tur kuenta ta fiktisio i tur ta trata susesonan den bida di un famia fiktisio konsistiendo di figuranan imaginario. Nan forma di pensa i aktua ta simbolisá aktitutnan humano ku nos tur konosé.
Trofeo
Ora e dama a mira Kristela warda pa tuma su lugá di parker, el a sinta tras di stür, kuminsá puiru kara, pone lipstick i pinta wowo.
Ta abo a kri’é
Nèt ora di bai risibí, Minòshka su telefon a rin. El a para hari ki ki ki dilanti pastor ku man saká manera e ke men: dunami numa.
Ottie ke yudansa
Ottie a bin haña Filo bentá den su stul di kustumber ku a krese na su kurpa manera beyísima na tranké.
Ottie ta lat
Nèt Shèrida ta dal port’i kas sera pa bai trabou, ata Ottie ta kana yega ku un sonrisa di orea pa orea.
No t’esei ta e idea
Ta manera nèt e mainta ei Desmond su oloshi a wèlga. Ora porfin 12 or a bati, el a lanta bai promé ku su koleganan hasi pregunta trimintí.
Hende hai
Den baño, sèrbètè muá shorotá na bònder kant’i porta, ta warda riba sirbienta pa piki nan.
Gibi su kas
Sin puntra si por òf nò, su rumannan a bati na su porta i anunsiá ku nan a bini pa keda.
Amiga pa semper
Miéntras Pastor ta papia, Stefanie a sera wowo pa trata di rebibá momentunan presioso di nan amistat.
Bunita nòmber
E ámtenar a tene e papelucho den su man, grawatá kabes, tosa, kaba fòrsa saka e nòmber for di su boka: “Delmarlenka Virangilis”.
Djomarison no ta tende mas
Djomarison a grita di doló ora su mama a stot e ku rudia den su stoma, bent’é te bou di yùfrou su lèsenar.