Flecha ta un selekshon di 33 di e 160 kuentanan ku mi a skirbi i lesa na Radio Hoyer. Esei a tuma lugá na 2006 i 2007 den e programa Bida i Balor. E kuentanan tabata punto di salida pa un entrevista di mei ora. Kada kuenta ta trata susesonan fiktisio den bida di un famia imaginario. Nan ta deskribí maneranan di pensa i aktua ku ta konosí na Kòrsou. Pa yega mes ora na esensia di e tema, e tono di e kuentanan ta basta direkto. Aki ta sigui 10 di nan.
Trofeo
Ora e dama a mira Kristela warda pa tuma su lugá di parker, el a sinta tras di stür, kuminsá puiru kara, pone lipstick i pinta wowo.
Ta abo a kri’é
Nèt ora di bai risibí, Minòshka su telefon a rin. El a para hari ki ki ki dilanti pastor ku man saká manera e ke men: dunami numa.
Ottie ke yudansa
Ottie a bin haña Filo bentá den su stul di kustumber ku a krese na su kurpa manera beyísima na tranké.
Ottie ta lat
Nèt Shèrida ta dal port’i kas sera pa bai trabou, ata Ottie ta kana yega ku un sonrisa di orea pa orea.
No t’esei ta e idea
Ta manera nèt e mainta ei Desmond su oloshi a wèlga. Ora porfin 12 or a bati, el a lanta bai promé ku su koleganan hasi pregunta trimintí.
Hende hai
Den baño, sèrbètè muá shorotá na bònder kant’i porta, ta warda riba sirbienta pa piki nan.
Gibi su kas
Sin puntra si por òf nò, su rumannan a bati na su porta i anunsiá ku nan a bini pa keda.
Amiga pa semper
Miéntras Pastor ta papia, Stefanie a sera wowo pa trata di rebibá momentunan presioso di nan amistat.
Bunita nòmber
E ámtenar a tene e papelucho den su man, grawatá kabes, tosa, kaba fòrsa saka e nòmber for di su boka: “Delmarlenka Virangilis”.
Djomarison no ta tende mas
Djomarison a grita di doló ora su mama a stot e ku rudia den su stoma, bent’é te bou di yùfrou su lèsenar.